Siguri

Milingona digjitale për të luftuar kërcënimet

Publikuar , 28 Shtator 2009
0
Milingona digjitale për të luftuar kërcënimet

Për dallim prej pajisjeve tradicionale të sigurisë, të cilat janë statike, këto ‘milingona digjitale’ udhëtojnë përmes rrjeteve të kompjuterit duke kërkuar për kërcënime. Kur ata gjejnë një të tillë, një armatë e milingonave mbulon atë lokacion, duke tërhequr vëmendjen e operatorëve human.

Koncepti, që quhet inteligjenca e tufës, do të mund të transformonte sigurinë e internetit sepse adoptohet menjëherë në varësi të kërcënimeve të ndryshme.

Gjersa variantet e reja janë duke u zbuluar dhe problemet po përditësohen, programet e sigurisë janë duke tërhequr më shumë resurse, skanimet nga antiviruset po kërkojnë më shumë kohë dhe makinat po ngadalësohen në punën e tyre.

Glenn Fink, një shkencëtarë hulumtues pranë PNNL (Pacific Northwest National Laboratory), ka arritur deri tek ideja e kopjimit të sjelljes së milingonave, duke përdorur një rrjet të 64 kompjuterëve.

“Ideja jonë është vendosja e 3.000 llojeve të ndryshme të milingonave digjitale, ku secila kërkon për dëshmi në lidhje me një kërcënim” tha Fink. “Gjera ata lëvizin nëpërmes rrjetit, ata lëshojnë gjurmë digjitale të modeluara sipas gjurmëve të ngjashme të milingonave në natyrë, të cilat drejtojnë milingonat tjera. Secilën herë që një milingonë digjitale identifikon ndonjë dëshmi, ajo është e programuar të lëshoj prapa aromë më të fuqishme. Aromat më të fuqishme gjurmuese tërheqin më shumë milingona, duke formuar në këtë mënyrë një tufë që shënon një infektim të mundshëm kompjuterik”.

Hulumtuesit theksojnë se qasja e re e sigurisë është shumë e përshtatshme për rrejte të mëdha që përmbajnë shumë makina identike, ku si shembull mund të përmenden qeveritë, korporatat e mëdha, universitetet, etj.

LEXO EDHE:  Nga sot shfletimi privat në Chrome bëhet me të vërtetë privat

Lajmet e fundit>