Harduer

Nëse i ndërroni ekranin iPhone 13 Face ID nuk do të funksionojë më

Nga: PCWorld
Publikuar , 27 Shtator 2021
Ekrani i iPhone 13 nuk ka lidhje fare me teknologjinë dhe mirëfunksionimin e Face ID sepse sistemi është i vendosur vetë në telefon dhe jo ekran. Nëse i ndërroni ekranin iPhone 13 Face ID nuk do të funksionojë më

Nëse një konsumator i zëvendëson ekranin iPhone 13 nga një riparues i paautorizuar dhe i palicencuar nga Apple, Face ID në atë smartfon nuk do të funksionojë më.

Apple është një prej kompanive më të kritikuara për shkak të kufizimeve që vendos në riparimin e produkteve të saj. Kur zëvendësohet ekrani i një iPhone, Apple informon përdoruesin se nuk është ekran origjinal dhe e njëjta gjë aplikohet për kamerat.

Tani e tutje zëvendësimi i ekranit nuk do të ngelet me një mesazh paralajmërues, por do të bllokohet Face ID. Kompania thotë se e bën këtë me qëllim që konsumatori të jetë i mirëinformuar për pjesët e zëvendësuara në smartfonin e tij.

Ekrani i iPhone 13 nuk ka lidhje fare me teknologjinë dhe mirëfunksionimin e Face ID sepse sistemi është i vendosur vetë në telefon dhe jo ekran.

Apple ka një program riparimi për iPhone i cili i jep mundësinë çdo kompanie apo palë të tretë të bëhet një ofrues i autorizuar i shërbimeve të Apple nëse përmbushin kushtet e vendosura prej kompanisë. /PCWorld Albanian

LEXO EDHE:  Kriza globale e çipeve mund të godasë smartfonët