Lajmet

Nga sot rregulla të reja për transferimin e domaineve

Publikuar , 01 Dhjetor 2016
0
Nga sot rregulla të reja për transferimin e domaineve

icann-domainsDuke filluar nga dita e sotme autoriteti për përcaktimin e emrave dhe numrave themeluar në 1998, ICANN, do të implementojë politika të reja të transferimit të domaineve që prekin gjerësisht procedurat e ndryshimit të pronësisë së domaineve nga një regjistër tek tjetri.

Ky lajm vjen pas përfundimit të kontratës 18 vjeçare mes ICANN dhe Departamentit Amerikan për Administrimin e Telekomunikacionit dhe Informacionit. Që nga 30 Shtatori ICANN tashmë është një agjensi e pavarur në pronësi të një komuniteti ndërkombëtar aksionerësh.

Kjo politikë do të implementohet mbi të gjithë regjistruesit. Por çfarë do të thotë konkretisht kjo politikë e re dhe cili është qllimi i saj? Politika ka të bëjë e gjitha me transferimet e domaineve e njohur ndryshe në gjuhën teknike “Inter-Registrar Transfer Policy” ose IRTP.

Gjer më sot politikat aktuale kanë mbuluar vetëm procesin e zhvendosjes së domainit nga një regjistrues tek tjetri ndërsa nga dita e sotme pjesë e procedurës do të jetë edhe ndryshimi i pronësisë së domainit mes entiteve.

Saherë që kemi të bëjmë me një transferim, politikat e reja kërkojnë që të përditësohen informacionet e pronarit si emrin, mbiemri, organizata dhe adresa e-mail-it. E gjitha kjo realizohet me anë të e-mail-eve konfirmuese mes regjistruesit dhe pronarit.

Politikat e reja hyjnë në fuqi nga dita e sotme, datë 1 Dhjetor 2016. Impakti i ndryshimeve të reja do të ndihet menjëherë kryesisht nga rishitësit dhe konsumatorët e tyre:

  1. Nuk mund të ndryshohet regjistri i domainit me një kërkesë të thjeshtë modifikimi
  2. Çdo ndryshim i emrit, mbiemrit, organizatës apo adresës e-mail mund të rezultojë në kosto shtesë
  3. Çdo ndryshim duhet të ketë konfirmin e drejtpërdrejtë të regjistrit dhe pronarit
  4. Regjistruesi i vjetër do të njoftohet pas transferimit me sukses të një domaini
  5. Pas ndryshimit të regjistrit, çdo domain do të bllokohet automatikisht për transferim brenda 60 ditësh
LEXO EDHE:  Punëtorët e Telekomit paralajmërojnë bojkot të punës

Por pse ky ndryshim? OpenSRS, një platformë domainesh për rishitësit thotë se politikat e reja vinë pas një auditi nga ICANN. Qëllimi i tyre është minimizimi i impaktit negativ për rishitësit dhe konsumatorët.

Si funksionon ky proces? Transferta fillon me një kërkesë të rishitësit për të modifikuar të dhënat e pronarit për një domain të caktuar. Platformat e domaineve për rishitësit siç është rasti i OpenSRS mund aprovojnë ose refuzojnë ndryshimin e regjistruesit dhe të konfirmojnë saktësinë e informacionit.

Ndërsa regjistruesit duhet të aprovojë ose jo ndryshimin e regjistrit dhe të vendosë nëse dëshiron të çaktivizojë bllokimin opsional 60 ditor të domainit. Procesi i tranferimit të domaineve zgjat 7 ditë. (PCWorld Albanian)

Lajmet e fundit>