Biznes

Një vit nga ndalimi dhe Kina paralajmëron përsëri investitorët rreth monedhave kriptografike

Sep 18 2018
0 Shpërndarje
Një vit më parë Kina mori një sërë masash kundër tregut të kriptomonedhave duke mbyllur bursa e ICO. Një vit nga ndalimi dhe Kina paralajmëron përsëri investitorët rreth monedhave kriptografike Photo Source: Reuters

Banka Qendrore Kineze paralajmëroi investitorët ditën e Marte rreth rrezikut që u kanoset me Ofertat Fillestare të Monedhave dhe monedhat kriptografike në tërësi.

Një vit më parë Kina mori një sërë masash kundër tregut të kriptomonedhave duke mbyllur bursa e ICO.

“Adoptimi i monedhave kriptografike ka rënë ndjeshëm krahasuar me një vit më parë së bashku me volumin e transaksioneve. Kështu në mënyrë efektive është shmangur një flluskë financiare e fryrë nga çmimet në rritje të monedhave kriptografike në gjysmën e dytë të 2017-ës,” shprehej Banka Qendrore në një deklaratë publike.

Edhe pse Kina ka fituar luftën e brendshme, sipas raportimeve, autoritetet tashmë kanë shënjestruar bursa “offshore” duke bllokuar adresat IP.

Gjigantët e teknologjisë pas platformave online si Baidu, Tencent dhe Alibaba kanë censuruar të gjithë monedhat kriptografike. /CryptoWorld.al

Lajmet e fundit>