Lajmet

Opsioni i ri i Instagram ka qenë një domosdoshmëri prej kohësh

Nga: PCWorld Albanian
Publikuar , 07 Shkurt 2020
0
Pjesë e këtyre ndryshimeve është edhe një rënditje e re e llogarive që përdoruesit ndjekin në bazë të ndërveprimit që kanë pasur në 90 ditët e fundit. Opsioni i ri i Instagram ka qenë një domosdoshmëri prej kohësh

Të pastrosh Instagram nga faqe që keni ndjekur dhe profile që nuk i njihni por kanë përfunduar aksidentalisht pjesë e listës së ndjekësve, është bërë një eksperiencë më e thjeshtë me opsionet e fundit të rrjetit social.

Pjesë e këtyre ndryshimeve është edhe një renditje e re e llogarive që përdoruesit ndjekin në bazë të ndërveprimit që kanë pasur në 90 ditët e fundit.

Opsioni i ri është i disponueshëm tek profili dhe kategoria e llogarive që ndiqni “Following” dhe shfaqet krahas kategorisë së llogarive që keni ndjekur së fundi.

Kategoria e re quhet “Most Shown in Feed” dhe është mjaft e dobishme edhe për menaxhimin e llogarive të cilat kanë pushtuar furnizuesin e përmbajtjeve dhe historitë tuaja.

Këtë përditësim Instagram e zbuloi në një postim në Twitter si pjesë e një nisme për ta bërë më të thjeshtë menaxhimin e llogarive që ndiqni në Instagram të jenë në përputhje me interesat tuaja. /PCWorld Albanian

LEXO EDHE:  Funksioni i ri i Instagram është ajo çfarë kemi nevojë gjatë izolimit të COVID-19

Tags >

Instagram