Vëzhgim

Palm Pre, i ri në luftën e telefonave të mençur

Publikuar , 30 Prill 2009
0
Palm Pre, i ri në luftën e telefonave të mençur

altPalm ka prezantuar sistemin e vet të shumëpritur operativ, të quajtur Web OS dhe telefonin e vet të ri Palm Pre. Pre do të shitet ekskluzivisht në Sprint 3G(SHBA) në fillim të këtij viti. Kjo pajisje dore e thekson pozitën e Palm si lider në tregun e telefonave të mençur. Duke vendosur si cak nivelin mes iPhone dhe BlackBerry, Pre, me Web OS, tenton të përziejë funksionet e biznesit dhe zbavitjes në një pajisje të vetme. Palm ende nuk ka publikuar çmimin e pajisjes.

 

Telefoni ka ekran multi-touch, tastierë rrëshqitëse QWERTY dhe një akselerometër. Ka EvDO, Wi-Fi dhe GPS. Bluetooth 2.1 me përkrahje stereo dhe 8GB hapësirë. Ekrani është 3.1 inç, me rezolucion 320 me 480. Përkrahja multi-touch zgjerohet deri tek butoni në qendër, që Palm e quan hapësirë e lëvizjeve për lançimin e aplikacioneve. Këtu është përfshirë gjithashtu dhe Aparati 3.0 megapiksel, me blicin LED. Pre, që është më i vogël se iPhone dhe rivalët e tjerë, peshon 137 gr.

Web OS ka kod të hapur dhe një ballinë të ndryshueshme. Prekni një ikonë dhe do të hapet aplikacioni korrespondues. Të gjithë aplikacionet e hapura duken si karta. Rrotulloini duke kaluar nga njëra anë në tjetrën, në ekranin e ndjeshëm në prekje. Një element i rëndësishëm në Web OS është ajo që Palm e quan “sinergy” për sinkronizimin e informacioneve nga burime të ndryshme. Për shembull, nëse filloni të shkruani një e-mail të adresuar për ndonjë kontakt specifik, Web OS kërkon në llogaritë e-mail dhe nëse Pre nuk arrin ta gjejë atë kontakt, kërkon bazën e të dhënave të kompanisë dhe automatikisht e vendos emrin në listën e kontaktit.

LEXO EDHE:  Galaxy S10, 5G, ekrane me palosje: Ja sesi Samsung do të rikthejë besimin tek smartfonët

Palm ka prezantuar gjithashtu Touchstone, një karikues korrenti pa tela, që punon me teknologjinë induktive. Vendosni Pre mbi Touchstone magnetik dhe bateria mbushet nga aty.

Lajmet e fundit>