Lajmet

Panairi i Teknologjisë, hap dyert për vizitorë

Publikuar , 27 Maj 2010
0
Panairi i Teknologjisë, hap dyert për vizitorë

Panairin e hapën përfaqësues të kompanisë CEO, zyrtarë të Ministrisë së Transportit dhe Telekomunikacionit, të shoqatës STIKK, etj.

Lulzim Zeqiri, zëdhënës i CEO tha në fjalinë e tij se ky panair ka rëndësi të madhe për Kosovën dhe për zhvillimin e sektorit të teknologjisë informative.

Në anën tjetër, përfaqësuesi special i Ministrisë së Transportit dhe Telekomunikacionit, z. Agim Kukaj u shpreh se Ministria do të vazhdojë përkrahjen e zhvillimit të këtij sektori dhe se këtë vit prioritet i Ministrisë do të jetë sigurimi i ccTLD-së së Kosovës dhe krijimi i nyjës së internetit.

Pas kësaj, fjalën e mori edhe përfaqësuesja e STIKK, Vjollca Qavolli, e cila u shpreh e kënaqur me bashkëpunimin me CEO për organizimin e Panairit të Teknologjisë.

ITTF, do të qëndrojë i hapur deri më 29 maj të këtij viti, dhe në të marrin pjesë kompani si IPKO, PTK, Art House, Smartech, STIKK, Bilanc, etj.

Natyrisht mos harroni të vizitoni stendën e PC World Albanian, ku do të gjeni shumë gjëra atraktive.

LEXO EDHE:  Fshihen mijëra faqe të hostuara në rrjetin e zi

Lajmet e fundit>