Lajmet

Pas vitesh pritjeje Snapchat lançon Dark Mode

Nga: PCWorld
Publikuar , 05 Maj 2021
Snapchat filloi testimin e këtij dizajni vitin e kaluar me një numër të vogël përdoruesish. Ndërsa më në fund Snapchat thotë se e ka ofruar për 90% të përdoruesve të iOS. Pas vitesh pritjeje Snapchat lançon Dark Mode

Pothuajse dy vite pas debutimit të iOS dhe iPadOS 13, të cilët sollën edhe dark mode në nivel sistemi, Snapchat, një prej aplikacione më popullore të medias sociale vetëm sot solli një ndërfaqe dark mode për përdoruesit e iOS.

Snapchat filloi testimin e këtij dizajni vitin e kaluar me një numër të vogël përdoruesish. Ndërsa më në fund Snapchat thotë se e ka ofruar për 90% të përdoruesve të iOS.

Aplikacioni ka tre lloje të ndryshme prej të cilave përdoruesit mund të zgjedhin. Opsioni i parë mban dark mode aktive, opsioni i dytë mban temën e bardhë aktive dhe opsioni i tretë lë iOS të përcaktojë llojin e pamjes.

Përdoruesit mund ta aktivizojnë dark mode duke shkuar në App Appearance dhe të zgjedhin mes opsioneve “Always Dark”, “Always Light” dhe “Match System.”

Në Android dark mode do të vijë në muajt në vijim. /PCWorld Albanian

LEXO EDHE:  Kriptomonedha Ether, rekord pas rekordi

Tags >

Snapchat