Lajmet

Pas WhatsApp, bien Facebook dhe Instagram

PCWorld Albanian Nga: PCWorld Albanian
Publikuar , 03 Korrik 2019
0
Në fakt që nga e Premtja njerëzit në mbarë botën filluan të raportonin probleme. Nga ana jonë e kemi të pamundur të publikojmë në faqen tonë në Facebook që prej mëngjesit të ditës së sotme. Pas WhatsApp, bien Facebook dhe Instagram

Janë disa prej platformave më popullore në botë të medias sociale por Instagram, Facebook dhe WhatsApp janë jashtë funksioni në mbarë botën.

Sipas DownDetector problemet kanë filluar rreth 15:49 me orën tonë lokale dhe po godasin rëndë Evropën dhe Amerikën e Veriut.

WhatsApp përdoruesit nuk mund të shkarkojnë dhe dërgojnë përmbajtje media. Në Instagram 82% e personave që raportuan thanë se problemi ishte tek Kohështrirja.

Në Facebook problemi kryesor ka të bëjë me shfaqjen e fotove në vend të të cilave shfaqet kod.

Facebook ka në pronësi të tre sajtet dhe shumica e përdoruesve shprehën irritimin e tyre në rrjetin social Twitter.

Në fakt që nga e Premtja njerëzit në mbarë botën filluan të raportonin probleme. Nga ana jonë e kemi të pamundur të publikojmë në faqen tonë në Facebook që prej mëngjesit të ditës së sotme.

Facebook ende nuk ka komentuar incidentet. /PCWorld Albanian

LEXO EDHE:  Financat e Facebook nuk pyesin për skandale

Lajmet e fundit>