Biznes

Përdoruesit e Coinbase alarmohen nga një e-mail i dërguar gabimisht

Nga: PCWorld
Publikuar , 01 Shtator 2021
Kompania tha se gabimi kishte ndodhur për shkak të një problemi me sistemin e njoftimeve. Coinbase kërkoi falje në median sociale. Përdoruesit e Coinbase alarmohen nga një e-mail i dërguar gabimisht

Një bursë e madhe e kriptomonedhave gabimisht ka dërguar 125 mijë përdoruesve një e-mail se verifikimi i tyre me dy faktorë është ndryshuar.

Coinbase tha se e-mail-et e dërguara nuk ishin rezultat si një sulmi kibernetik. Verifikimi me dy faktorë kërkon që përdoruesit të vendosin informacion, siç është një kod me tekst, krahas fjalëkalimit.

E-mail-et shkaktuan alarm tek shumë përdorues të cilët u frikësuan se llogaritë e tyre mund të jenë hakuar. Në shumicën e rasteve vetëm dikush që ka akses në llogarinë e tyre mund të ndryshojë verifikimin me dy faktorë.

Kompania tha se gabimi kishte ndodhur për shkak të një problemi me sistemin e njoftimeve. Coinbase kërkoi falje në median sociale.

Një postim në Reddit sugjeronte se kompania ka shpërblyer të prekurit me 100 dollarë në bitcoin. Platforma ka 68 milionë përdorues të regjistruar. /PCWorld Albanian

LEXO EDHE:  PayPal në bisedime për të blerë Pinterest