Lajmet

Pika e dobët e Samsung, pas 1 Qershorit vret aplikacionin që nuk impresionoi përdoruesit

Nga: PCWorld
Publikuar , 16 Prill 2020
0
Tentativa e Samsung në botën e asistentëve virtualë, S Voice debutoi në 2012-ën me Galaxy S3 dhe ishte jo vetëm i ngadaltë por edhe plot probleme përdorimi. Pika e dobët e Samsung, pas 1 Qershorit vret aplikacionin që nuk impresionoi përdoruesit

Gjatë këtij viti Samsung do të “vrasë” përgjithnjë asistentin virtual S Voice i cili kurrë nuk pati kurajon të përballej me Apple Siri.

Në faqen e mbështetjes dedikuar S Voice, ky i fundit nuk do të ofrohet më pas datës 1 Qershor.

Tentativa e Samsung në botën e asistentëve virtualë, S Voice debutoi në 2012-ën me Galaxy S3 dhe ishte jo vetëm i ngadaltë por edhe plot probleme përdorimi.

S Voice mund të vendoste përkujtues dhe të bënte thirrje, por nuk u përgjigjej dot pyetjeve të përdoruesit në formë bisede siç mund ta bëjnë Siri dhe Google Assistant.

Esencialisht Samsung zëvendësoi S Voice me Bixby duke filluar me Galaxy S8 por as edhe ky i fundit nuk ka arritur të impresionojë përdoruesit. Disa pajisje si Galaxy Watch dhe Galaxy Active kanë Bixby të instaluar.

Pas 1 Qershorit Gear S3 dhe Gear Sport do të përditësohen nga S Voice në Bixby duke i dhënë kështu fund jetës famëkeqe të asistentit. /PCWorld Albanian

LEXO EDHE:  Surpriza e keqe e iPhone 12 do të jetë e parëndësishme për pjesën më të madhe të konsumatorëve