Harduer

Procesorët AMD Ryzen 7000 debutojnë më 15 Shtator

Nga: PCWorld
Publikuar , 18 Qershor 2022
Ndërsa i afrohemi debutimit të procesorëve të rinj, presim më shumë informacione të bëhen publike rreth Ryzen 7000. Procesorët AMD Ryzen 7000 debutojnë më 15 Shtator

Pothuajse një muaj më parë AMD zbuloi disa informacione të vogla në lidhje me seritë e ardhshme Zen4 Ryzen 7000 e madje la të kuptohej se çfarë performance mund të presim prej tyre.

Sipas deklaratave zyrtare të AMD duhet të presim deri në Vjeshtë për tu njohur me gjeneratën e re. Por një raport i fundit thotë se Ryzen 7000 debuton më 15 Shtator.

Raporti bazohet në një prezantim me slide të brendshëm i cili thotë se procesorët e rinj kanë deri në 16 bërthama dhe 32 threads bazuar në arkitekturën 5-nanometër të TSMC.

Frekuenca maksimale do të arrijë deri në 5.5Ghz. Procesorët e rinj sjellin mbështetje për memorien RAM DDR5, grafikat RDNA 2 dhe deri në 35% më shumë performancë.

Ndërsa i afrohemi debutimit të procesorëve të rinj, presim më shumë informacione të bëhen publike rreth Ryzen 7000.

Nga ana tjetër Intel po përgatit gjeneratën 13-të që thuhet se do të jetë kokë më kokë në mos përpara procesorëve Zen4. /PCWorld Albanian

LEXO EDHE:  Zhvillonte softuerë për të përgjuar njerëz të profilit të lartë, SHBA vendos kompaninë Izraelite në listën e zezë