Biznes

Rregullorja e re e BQK lehtëson pagesat në terminale

PCWorld Albanian Nga: PCWorld Albanian
Publikuar , 17 Janar 2020
0
Sipas njoftimit të tyre, më datën 26 dhjetor të vitit që lamë pas, Bordi i Bankës Qendrore të Republikës së Kosovës kishte miratuar amandamentimet e “Rregullores për Instrumentet e Pagesave Elektronike”, të cilat do të hyjnë në fuqi nga data 01 shkurt 2020. Rregullorja e re e BQK lehtëson pagesat në terminale

Banka Qendrore e Kosovës përmes një komunikate për media ka bërë të ditur se ka nxjerrë një Rregullore, e cila iu mundëson klientëve të bankave kryerjen e pagesave përmes terminaleve POS pa ndonjë kosto shtesë, përcjell Buletini Ekonomik.

Sipas njoftimit të tyre, më datën 26 dhjetor të vitit që lamë pas, Bordi i Bankës Qendrore të Republikës së Kosovës kishte miratuar amandamentimet e “Rregullores për Instrumentet e Pagesave Elektronike”, të cilat do të hyjnë në fuqi nga data 01 shkurt 2020.

Me anë të këtyre ndryshimeve, klientët e bankave mund t’i përdorin kartelat e tyre për kryerjen e pagesave për blerjen e mallrave dhe shërbimeve, përmes të gjitha terminaleve POS pa marrë parasysh se cilës bankë i përkasin, pa aplikim të kostove shtesë.

Sipas BQK-së, këto ndryshime janë të bazuara në praktikat dhe standardet e BE-së, të cilat kanë për qëllim rritjen e përdorimit të kartelave dhe instrumenteve tjera të pagesave elektronike, si shërbime më efikase me kosto më të ulët për ofruesit dhe përdoruesit e shërbimeve të pagesave.

Me këtë rast, Banka Qendrore e Kosovës ka inkurajuar të gjithë qytetarët që të përdorin kartelat e tyre për pagesë, si mjete të sigurta pagese pa ndonjë kosto shtesë. /Buletini Ekonomik

LEXO EDHE:  Një aplikacioni i rreme përditësimesh për telefonët Samsung është shkarkuar 10 milionë herë

Tags >

BQK
Lajmet e fundit>