Lajmet

Rusia bllokon aksesin në Instagram

Nga: PCWorld
Publikuar , 14 Mars 2022
Në një cicërimë në rrjetin social Twitter, shefi i Instagram Adam Mosseri tha se 80% e njerëzve në Rusi ndjekin të paktën një llogari jashtë vendit të tyre. Rusia bllokon aksesin në Instagram

Rusia vendosi të dëbojë ditën e sotme rrjetin social Instagram duke bllokuar aksesin në platformë për mëse 80 milionë përdorues.

Në një cicërimë në rrjetin social Twitter, shefi i Instagram Adam Mosseri tha se 80% e njerëzve në Rusi ndjekin të paktën një llogari jashtë vendit të tyre.

Përgjatë fundjavës influencerët Rusë publikuan mesazhe lamtumire për ndjekësit e tyre duke i inkurajuar ti ndjekin në platforma alternative ose të shkarkojnë VPN për të anashkaluar masat për bllokimin e Instagram.

Shumë influencerë u shprehën të irrituar. Washington Post raportoi se një influencerë mode, Karina Nigay, tha se Instagrami kishte qenë puna e saj. “Imagjinoni sikur të pushoheshit nga puna dhe të mos keni më asnjë burim të ardhurash,” shprehej ajo. /PCWorld Albanian

LEXO EDHE:  Google konfirmon orën inteligjente, debuton në Vjeshtë