Harduer

Samsung patenton një teknologji të pazakontë ekrani

PCWorld Albanian Nga: PCWorld Albanian
Publikuar , 29 Prill 2019
0
Samsung kishte aplikuar për këtë patentë në 2016-ën por është aprovuar nga Zyra Botërore e Pronësisë Intelektuale vetëm më 25 Prill. Samsung patenton një teknologji të pazakontë ekrani

Në mesin e një paqartësie që rrethon telefonin me ekran me palosje të Samsung, kompania fitoi ditën e sotme aprovimin e një patente e cila përshkruan një ekran krejtësisht tjetër.

Në përshkrimin e patentës përdoret emërtimit “ekrani me shumë fytyra”. Samsung kishte aplikuar për këtë patentë në 2016-ën por është aprovuar nga Zyra Botërore e Pronësisë Intelektuale vetëm më 25 Prill.

Ekrani i ri vjen përqark telefonit e madje mbulon edhe skajin e sipërm. Një imazh tregon mesazhet që shfaqen në skajin e sipërm të telefonit.

Patenta tregon dy shembuj sesi ekrani është implementuar. Në të parën është realizimi i një fotoje ku edhe personi të cilit po bëhet foto me kamerën e pasme mund të shohë realizimin e saj në ekranin që shtrihet në pjesën e pasme të telefonit.

Një tjetër mënyrë përdorimi është për përkthimin. Samsung tregon sesi dikush mund ti flasë mikrofonit të telefonit dhe fjalët e tyre përkthehet në pjesën e pasme të tij.

Disa telefonë sot kanë ekrane të pasme. Konkretisht kemi Vivo NEX Dual Display. Megjithatë telefoni është larg përditshmërisë tonë dhe ekranet e pasme dhe ato frontale nuk janë të lidhura bashkë.

Aprovimi i patentës vjen në të njëjtin muaj që reputacioni i Samsung ka marrë një goditje me telefonin me ekran që paloset Galaxy Fold. Disa prej analistëve që Samsung kishte ofruar telefonin për testim kishin raportuar thyer të ekraneve vetëm pas dy ditësh përdorim. /PCWorld Albanian

LEXO EDHE:  Nesër Samsung demonstron telefonin me ekran që paloset

Lajmet e fundit>