Lajmet

Shfletuesi i Microsoft bën një gjë që Chrome dhe Firefox e kanë injoruar

Nga: PCWorld
Publikuar , 31 Mars 2020
0
Një funksion unik që Edge e ofron në desktop quhet Cllections. Përdoruesit mund të tërheqin artikujt në hapësirën Collections dhe Edge do të riorganizojë informacionin që të jetë vizualisht i kënaqshëm për referimin e shpejtë apo printimin e tij. Shfletuesi i Microsoft bën një gjë që Chrome dhe Firefox e kanë injoruar

Microsoft i ka dhënë fund Internet Explorer-it. Shfletuesi i ri i kompanisë Microsoft Edge është më premtues e madje ka filluar të pasurohet me disa opsione të cilat e diferencojnë nga Chrome dhe Firefox.

Kompania prezantoi të Hënën tabet vertikale, monitorimin e fjalëkalimeve dhe parandalimin e gjurmimit.

Edge, shfletues i cili versioni i fundit është i ndërtuar mbi kodin open-source të Chrome, u jep mundësinë përdoruesve aventurier të testojnë opsionet e reja në programin Insider.

Microsoft shpreson se tabet vertikale do të pëlqehen nga komuniteti i testuesve në muajt në vijim përpara se ti ofrojë për të gjithë.

Pamja e re u publikua nga Microsoft sepse ende nuk janë lançuar opsionet reja. Kompania tregon sesi mund të shfletoni mes listës së tabeve ku shfaqet favicon dhe emri i uebsajtit. Me këtë Microsoft synon që të parandalojë mbylljen aksidentale të tabeve.

Një funksion unik që Edge e ofron në desktop quhet Collections. Përdoruesit mund të tërheqin artikujt në hapësirën Collections dhe Edge do të riorganizojë informacionin që të jetë vizualisht i kënaqshëm për referimin e shpejtë apo printimin e tij.

Së fundi me Tracking Prevention, siç kompania e quan, Microsoft ju ofron përdoruesve tre masa sigurie sipas preferencave të tyre. Password Monitor ju tregon përdoruesve nëse kredencialet e tyre janë ekspozuar në tregun e zi.

Përditësimet e fundit më shumë tregojnë përkushtimin e Microsoft për të konkurruar me Google dhe Mozilla. Ne si përdorues shpresojmë që kjo konkurrencë të sjellë sadopak inovacion tek shfletuesit të cilët nuk kanë parë ndryshime revolucionare në vitet e fundit. /PCWorld Albanian

LEXO EDHE:  Kjo është menuja e re Start që do të vijë në Windows 10