Lajmet

Shkarkoni versionin përfundimtar të Windows 8

Publikuar , 20 Gusht 2012
0
Shkarkoni versionin përfundimtar të Windows 8

Microsoft ka lëshuar Windows 8 RTM ose versionin përfundimtar për abonentët e Technet dhe MSDN. Por, edhe nëse nuk jeni abonent, mund të përdorni versionin përfundimtar të versionit Enterprise Windows 8 që është në dispozicion për 90 ditë.

Në mënyrë që ta përdorni, duhet të regjistroheni dhe produkti duhet të jetë i aktivizuar online me shërbimet e aktivizimit dhe vlefshmërisë së Microsoft brenda 10 ditëve të instalimit.

Do të shihni një lajmërim në desktop që tregon se sistemi nuk është origjinal. PC-ja do të ndalet çdo orë duke shkaktuar kështu humbjen e materialeve të paruajtura.

Kërkesat për Windows 8

Windows 8 funksionon në të njëjtin harduer në të cilin funksionon Windows 7:

-Procesori: 1 GHz ose më i shpejtë

-RAM: 1GB (32-bit) ose 2 GB (64-bit)

-Hapësira në disk: 20 GB

-Karta grafike: Pajisja grafike Microsoft DirextX 9 me drajverin WDDM

Nuk kërkohet ndonjë çelës për versionin testues. Sapo ta aktivizoni, keni 90 ditë kohë për ta përdorur softuerin. Kohën e mbetur mund ta shikoni duke iu referuar “watermarkut” në këndin e djathtë poshtë desktopit të Windows-it.

Sapo të skadojë ky version testues pas 90 ditësh, duhet të zëvendësoni sistemin operativ në kompjuterin tuaj testues dhe të riinstaloni të gjitha programet dhe të dhënat. Nuk është e mundur që të bëhet përditësimi në një version të licencuar të Windows 8. Për këtë nevojitet një instalim i pastër.

Versioni Enterprise i Windows 8 është i gatshëm në versionet 32-bit dhe 64-bit në shumë gjuhë: kineze (e thjeshtësuar), kineze (tradicionale), angleze, angleze (e Britanisë së Madhe), frënge, gjermane, italiane, japoneze, koreane, portugeze (e Brazilit) dhe spanjolle.

Përzgjidhni versionin që dëshironi të shkarkoni:

LEXO EDHE:  Që nga 2010 tregu i kamerave ka rënë me 84%

Shkarkoni versionin 32 Bit Enterprise të Windows 8

Shkarkoni versionin 64 Bit Enterprise të Windows 8

Të gjitha shkarkimet janë në formë të imazheve ISO. Ky version testues do të jetë në dispozicion për shkarkim deri më 15 gusht 2013. (PC World Albanian)

Tags >

Windows 8
Lajmet e fundit>