Lajmet

Si të vini në funksion aplikacionet tuaja nga Windows në Linux

Publikuar , 31 Gusht 2009
0
Si të vini në funksion aplikacionet tuaja nga Windows në Linux

 Më në fund, një mundësi për të shfrytëzuar aplikacionet nga Windows, për të cilat nuk ka ekuivalentë me kod të hapur – Quicken apo Flash CS. Dhe tërë këto lojëra! Për të nxjerrë maksimumin nga Wine, ju duhet të bëni hack. Shpesh, sjellja e Wine për të ofruar diçka është art i errët dhe jo diçka për amatorë.
Magjistarët e instalimit mund të ndihmojnë. Disa janë komerciale, përkatësisht projekte pronësore. Nëse preferoni diçka me kod të hapur dhe pa pagesë, provoni WineDoors. Më poshtë keni instruksionet e instalimit për Ubunutu 9.04. Megjithatë, para instalimit të aplikacionit Wine, është një ide e mirë që  të instaloni fontet e Microsoft Core Web (Arial, Times New Roman dhe të tjerat me radhë), të cilat i kërkojnë shumica e aplikacioneve në Windows. Ju mund t’i instaloni ato qoftë përmes kopjimit të skedarëve .ttf nga dosja instaluese e Windows ose përmes instalimit të pakos msttcorefonts. Fontet që nuk janë në këtë pako, por që disa aplikacione mund t’i kërkojnë, përfshijnë Tahoma dhe MS Sans; këto mund t’i gjeni në web. Për të importuar fonte nga Windows, gjejini ato në C:\Windows\fonts directory. Kopjoni të gjithë skedarët .ttf në një USB, krijoni një dosje në direktoriumin tuaj të quajtur .fonts (keni parasysh pikën) dhe vendosini aty skedarët e kopjuar.

Instalimi i Wine-Doors dhe i aplikacioneve nga Windows

Hapni System-Administration-Software sources dhe klikoni në ndarjen Third Party. Klikoni Add dhe shkruani deb http://ppa.launchpad.net/wine-doors-dev-team/ppa/ubuntu interpid main në një rresht. Klikoni butonin Close dhe rifreskoni listën gjegjëse, kur kjo ju kërkohet. Pas kësaj, përdorni Synaptic për të instaluar pakon Wine-Doors. (Kini parasysh se mund të instaloni çelësin GPG nëse keni dëshirë, gjë që do të tejkalojë çfarëdo gabimi që paraqitet rreth pakove të pashënuara). Wine-Doors do të paraqitet në menynë Applications-Wine, që është edhe vendi ku do të gjeni çdo aplikacion nga Windows, që do ta instaloni në të ardhmen. Kur Wine-Doors fillon për herën e parë, ju duhet të futni emrin tuaj dhe detajet e kompanisë, informacione të cilat do të shfrytëzohen gjatë instalimit të aplikacioneve nga Windows. Ju gjithashtu keni mundësin të zgjidhni kutinë “I have a Windows Licence Box” (Vetëm në rast se është e vërtetë), në mënyrë që të instaloni komponentë të caktuar nga sistemi Windows dhe shtojca të tjera. Kur ju klikoni në Proceed, Wine-Doors do të përditësojë veten me listën më të fundit të skriptave të instaluara dhe pastaj do t’ju shfaqë një listë të aplikacioneve dhe lojërave. Klikoni Install link në anën e secilit aplikacion që dëshironi dhe pastaj klikoni Apply. Me çfarëdo instalimi Wine, ju do të gjeni aplikacionet në .wine/drive_c directory në dosjen tuaj /home.

LEXO EDHE:  A keni nevojë për një antivirus në Android? Po iPhone?

Lajmet e fundit>