10 ngjarjet e vitit nga bota e teknologjisë

Interneti i Gjërave vjen me premtimin e madh se do të revolucionarizojë industrinë dhe të përmirësojë shërbimet, por falë botnetit Mirai, IoT përbën gjithashtu një rrezik global. Ndërtuar për të aksesuar dhe kontrolluar paisjet e rrjetit, Mirai rrëzoi shërbimin cloud Akamai dhe ofruesin e DNS-ve Dyn duke nxjerrë jashtë funksioni shumë uebsajte.

Shkrirjet dhe blerjet shpeshherë kanë treguar sesi evoluon teknologjia, dhe blerja e NXP nga Qualcomm për 38 miliard dollar ishte një shenjë sesi industria e procesorëve ka filluar të orientohet drejt internetit të gjërave.

Një tjetër fakt që konfirmon fundin e epokës së kompjuterave personal është largimi nga puna i 12,000 vetëve nga Intel të cilët përbënin 11% të fuqisë punëtore. Rënia e shitjeve të kompjuterave personal ka dëmtuar rëndë Intel dhe kompania tashmë ka nevojë të evoluojë nëse do të mbijetojë.

Debutimi i Microsoft HoloLens në fund të Marsit për zhvilluesit dhe më pas globalisht shënoi një ditë të madhe për tregjet, realitetin virtual dhe realitetin e shtuar. Ca besojnë se Oculus dhe HTC por udhëheqin këtë sektor, por Microsoft është në ngarkim me premtimin e Windows Holographic vitin e ardhshëm në Windows 10.

Të dhëna të cilat thonin se grupe hakerash Rusë kanë hakuar sistemin kompjuterik të Komitetit Demokratik në SHBA, tronditi opionin publik dhe komunitetin e global të sigurisë. E-mail-et e publikuara nga Wikileaks thuhet se ishin shkaku kryesor i humbjes së Klinton në zgjedhjet presidenciale.

Kur Samsung solli Note 7-tën në Gusht, analistët dhe ekspertët thanë se ky telefon ofron shumë gjëra për tu lavdëruar. Por pas raportimeve të mbi nxehjes deri në shpërthimin e baterisë, Samsung vendosi të zëvendësonte 2.5 milion telefonë për ti tërhequr mëpas njëherë e mirë nga tregu.

Humbja e 18 herë kampionit të botës në lojën Go përballë inteligjencës artificiale të Google, AlphaGo, nxiti një stuhi në mesin e analistëve dhe parashikuesve. Inteligjenca artificiale e mundi 4 herë Lee-Se-dol për ti treguar botës se tani nuk është më në plan të parë mobiliteti por inteligjenca artificiale.

Kur prezantoi iPhone 7 në Shtator, eleminimin e portës 3.5 mm të kufjeve Apple e shpjegoi me fjalën "kurajo." Heqja e shumë portave të konektiviteti nga Macbook vetëm sa i hodhi më shumë benzinë zjarrit. Konsumatorët tani besojnë se për Apple është vizioni i kompanisë që ka më rëndësi sesa ai i konsumatorëve.

Në Shkurt Apple u urdhërua nga Gjykata Federale e Kalifornisë të ofronte asistencë në penetrimin e një iPhone 5C të koduar i cili i përkiste atentatorit të San Bernardinos. Çfarë ndodhi? FBI-ja fitoi qasje në telefon, por me ndihmën e një pale të tretë jo Apple.