Blog

SpaceX lëshon me sukses raketën ‘Falcon Heavy’

PCWorld Albanian Nga: PCWorld Albanian
Publikuar , 12 Prill 2019
0
“SpaceX” është kompania e sipërmarrësit Elon Musk. Ai është gjithashtu shefi ekzekutiv i kompanisë që prodhon makinat elektrike Tesla. SpaceX lëshon me sukses raketën ‘Falcon Heavy’ Photo Source: AP

Kompania hapësinore “SpaceX” nisi për të dytën herë me sukses, raketën më të fuqishme në botë.

Raketa “Falcon Heavy” u nis me misionin e saj të parë komercial të enjten në mbrëmje nga qendra hapësinore e NASA-s Kennedy në Florida.

Ajo ishte e ngarkuar me një satelit komercial të Arabisë Saudite.

Për të kursyer para, SpaceX i përdor përsëri raketat duke i kthyer në tokë, siç duket edhe në këto pamje, ku tre pjesë të Falcon Heavy ulen butë në një platformë të posaçme.

“SpaceX” është kompania e sipërmarrësit Elon Musk. Ai është gjithashtu shefi ekzekutiv i kompanisë që prodhon makinat elektrike Tesla.

“Falcon Heavy” u prodhua fillimisht për të dërguar njerëz në Hënë dhe Mars, por tashmë zoti Musk e ka transformuar raketën në një bartës të pajisjeve e furnizimeve për vendndodhje të largëta në hapësirë.

“Falcon Heavy” me 27 motorë është raketa më e fuqishme në përdorim që nga koha kur NASA përdorte raketat “Saturn 5” për të dërguar astronautë në Hënë, 45 vite më parë.

LEXO EDHE:  Kancelarja Gjermane Merkel: Prodhimi i baterive në Evropë shumë i rëndësishëm për të ardhmen tonë

Lajmet e fundit>