Lajmet

Sulm kibernetik ndaj Iranit

Nga: PCWorld Albanian
Publikuar , 15 Dhjetor 2019
0
Më 11 dhjetor, Jahromi kishte thënë se një sulm i madh kibernetik e ka pasur për cak infrastrukturën elektronike të Iranit. Sulm kibernetik ndaj Iranit

Një zyrtar i lartë në Qeverinë e Iranit, tha se Tehrani ka parandaluar një sulm të dytë kibernetik ndaj vendit, disa ditë më parë.

Ministri i Telekomunikimit të Iranit, Mohammad Javad Azari Jahromi, tha se sulmi ishte identifikuar dhe parandaluar nga mbikëqyrësit e sistemit të sigurisë kibernetike.

Jahromi theksoi se qëllimi i sulmit ishte të ketë qasje në informata në inteligjencën qeveritare të Iranit.

Më 11 dhjetor, Jahromi kishte thënë se një sulm i madh kibernetik e ka pasur për cak infrastrukturën elektronike të Iranit.

Në Qershor, zyrtarë të Uashingtonit kishin thënë se ushtria amerikane kishte kryer një sulm kibernetik kundër sistemit kompjuterik të ushtrisë iraniane në kohën kur presidenti amerikan Donald Trump, ishte duke u kundërpërgjigjur pas rrëzimit të dronit të SHBA-së në Gjirin Persik.

Tensionet në mes të SHBA-së dhe Iranit janë përshkallëzuar që nga viti 2018, kur Trump u tërhoq nga marrëveshja bërthamore me liderët botëror dhe rivendosi sanksione ndaj Iranit. /PCWorld Albanian

LEXO EDHE:  Shtetet e Bashkuara kanë gjetur një mënyrë të pazakontë për të luftuar koronavirusin