Harduer

Surprizon tableti Android Nokia N1

Publikuar , 19 Nëntor 2014
0
Surprizon tableti Android Nokia N1

_79097039_6168ac6a-287c-499b-a17d-b6c10d1479d5Me lançimin e një tableti Android, Nokia sapo i ka hyrë edhe njëherë prodhimit të produkteve elektronike për konsumatorët. Lançimi suprizë e vendos firmën përball Microsoft, ku ky i fundit përfundoi marrëveshjet e blerjes së biznesit të pajisjeve të Nokia-s në muajin prill. Tableti N1 do të dalë në shitje në Kinë nga fillimi i vitit të ardhshëm, kohë përpara lançimit edhe në shtete të tjera.

Nokia tha se nuk ishte ajo që po e prodhonte pajisjen, por thjesht ka licencuar markën e saj, dizajnin dhe softuerin për palët e treta. Kompania tajvaneze Foxconn është prodhuesi i licensuar. “Ky është një produkt fantastik për adhuruesit e Nokia-s dhe çdokënd që nuk ka gjetur akoma tabletin e duhur Android”, tha Sebastian Nystrom, ekzekutivi i produkteve tek Nokia Technologies. Produkti u prezantua në konferencën Slush Technology në Helsinki.

Nokia tashmë shet një produkt të ngjashëm me markën e saj, Nokia Lumia 2520 me platformën Windows RT. Herët këtë muaj, u zbulua telefoni i parë Lumia pa markën Nokia. Por çdo gjë ishte e qartë, kjo markë do të vazhdonte të përdorej në telefonët më pak të fuqishëm të quajtur “feature phone”. Për një dekadë përcaktuar në termat e marrëveshjes 7.2 miliard dollarëshe, Nokia nuk mund të përdorë markën e saj tek produktet e kompanisë.

Nuk dihet sesi do të veprojë Microsoft pas këtij lançimi duke pasur parasysh se ky i fundit po mundohet të largojë brendin Nokia. Kjo do të shkaktojë shumë konfuzion. I vetmi koment nga Microsoft ishte një qëndrim ku thuhej: “Ky është një produkt i Nokia-s dhe nuk ka të bëjë në asnjë mënyrë më Microsoft.”

Nokia N1 ka një madhësi 7.9 inç me material alumini, dizajni i të cilit na ngjason me një iPad. Ky tablet fuqizohet nga sistemi operativ Android 5.0 dhe karakterizohet nga një proçesor Intel Atom. Çmimi i planifikuar do të jetë 249 dollar. Proçesori Intel Atom ka në përbërje 4 bërthama me arkitekturë 64Bit. E veçantë është ndërfaqja e implementuar nga Nokia për sistemin operativ Android i quajtur Z Launcher.

LEXO EDHE:  Nokia thotë se telefonët e saj kanë dërguar gabimisht informacione në Kinë

Raportohet se Nokia përjetoi një tre mujor të shëndetshëm me fitime që llogariten në 747 milion euro, këto falë punës së saj me paisjet e rrjetit dhe divizionet e hartave dhe softuerit. Ky fitim i gjeneruar nga këto biznese, shkonte dëm si rezultat i humbjeve që shkaktonte biznesi i harduerëve. (PCWorld Albanian)

Tags >

Nokia
Lajmet e fundit>