Harduer

Telefoni 5G me ekran që paloset i Huawei zbulohet përpara zyrtarizimit

PCWorld Albanian Nga: PCWorld Albanian
Publikuar , 24 Shkurt 2019
0
Prej muajsh Huawei ka folur për idenë e një telefoni 5G me ekran që paloset dhe së fundit ka premtuar ta prezantojë në Kongresin Mobil Botëror. Telefoni 5G me ekran që paloset i Huawei zbulohet përpara zyrtarizimit

Kongresi Mobil Botëror ende nuk ka startuar por një postim në rrjetin social Twitter mund të ketë zbuluar sekretin më të madh të kompanisë: telefonin me ekran me palosje Huawei Mate X që kompania do ta prezantojë këto ditë.

Prej muajsh Huawei ka folur për idenë e një telefoni 5G me ekran që paloset dhe së fundi ka premtuar ta prezantojë në Kongresin Mobil Botëror.

Postimi në Twitter përmban një baner të pajisjes i cili konfirmon edhe emrin e telefonit, Mate X.

Ndërsa detajet janë të pakta, në postin e Huawei shkruhet “telefonit 5G me ekran që paloset më i shpejtë në botë.”

Pak ditë më parë Samsung prezantoi telefonin e vet me ekran që paloset, Glaxy Fold.

Huawei gjithashtu në bazë të imazhit që përmban baneri duket të ketë marrë një tjetër strategji me Mate X. Ekrani i telefonit paloset nga jashtë duke krijuar një telefon me dy ekrane.

Detajet e plota rreth telefonit do ti mësojmë më shumë gjatë ditës së sotme kur kompania të prezantojë zyrtarisht telefonin. /PCWorld Albanian

LEXO EDHE:  Huawei kërkon të lançojë një telefon me palosje përpara Samsung

Tags >

5GHuawei
Lajmet e fundit>