Harduer

Telefoni i ri i Xiaomi ka një bateri masive

Nga: PCWorld
Publikuar , 08 Shtator 2020
0
Në brendësi të telefoni është një procesor Snapdragon 732G me 6GB RAM dhe 64 ose 128GB memorie të brendshme. Telefoni i ri i Xiaomi ka një bateri masive

Nën-marka e Xiaomi, Poco, prezantoi telefonin më të fundit të cilin e quan Poco X3 NFC. Smartfoni nuk është një flagship por një model buxhetor i cili sjell perfomancë në segmentet e ulëta.

Telefoni është i madh me peshë prej 215 gram dhe 9.4mm i trashë dhe jo pa arsye sepse ka një ekran masiv, bateri të madhe dhe disa kamera.

Ekrani është një panel 6.67-inç 1080p me frekuencë rifreskimi prej 120Hz. Duke qenë se është LCD nuk ka shkëlqimin dhe kontrastin e OLED i cili po përdoret edhe në pajisjet e rangut të mesëm.

Përdorimi i këtij paneli do të thotë se skaneri i shenjave të gishtërinjve nuk vendoset dot në ekran dhe Xiaomi ka zgjedhur ta implementojë tek butoni i ndezjes.

Në brendësi të telefoni është një procesor Snapdragon 732G me 6GB RAM dhe 64 ose 128GB memorie të brendshme.

Xiaomi ka zgjedhur një sensor 64-megapiksel Sony IMX682 së bashku me 13-megapiksel me kënd të gjerë dhe 2-megapiksel macro.

Kamera selfie është 20-megapiksel.

Së fundi bateria ka një kapacitet masiv prej 5,160 mAh dhe ka teknologjinë e karikimit të shpejtë 33W. Për gjysmë ore karikohet në 62% ndërsa plotësisht duhen 65 minuta.

Poco X3 NFC del në shitje në Evropë sot për 199 euro për 64GB dhe 249 euro për 128GB. /PCWorld Albanian

LEXO EDHE:  Njihuni me telefonin e parë në botë me 16GB RAM