Lajmet

TikTok ka 45 ditë afat për të shitur biznesin në SHBA ose do të mbyllet

Nga: PCWorld
Publikuar , 04 Gusht 2020
0
Edhe pse kompania pas aplikacionit ByteDance ka mohuar lidhjet me qeverinë Kineze, zyrtarët Amerikanë janë skeptikë. Jo të gjithë janë të kënaqur me zgjidhjen e ofruar. TikTok ka 45 ditë afat për të shitur biznesin në SHBA ose do të mbyllet

Sipas New York Times, Presidenti Trump i ka dhënë afat Microsoft të blejë TikTok brenda 45 ditëve të ardhshme ose përndryshe do të mbyllet.

Konkretisht TikTok duhet të shesë operacionet Amerikane deri më 15 Shtator ndërsa Trump mbetet i hapur për blerjen e tij nga Microsoft.

“Nuk më intereson nëse është Microsoft apo dikush tjetër, mjafton të jetë një kompani e sigurte, një kompani Amerikane që e blen,” kishte thënë Trump për reporterët.

Në një postim në blog ditën e djeshme Microsoft konfirmoi se është në bisedime për blerjen e TikTok. Nëse marrëveshje arrihet, TikTok në SHBA, Kanada, Zelandën e Re dhe Australi do ti kalojë Microsoft.

Edhe pse kompania pas aplikacionit ByteDance ka mohuar lidhjet me qeverinë Kineze, zyrtarët Amerikanë janë skeptikë. Jo të gjithë janë të kënaqur me zgjidhjen e ofruar.

Të tjetër janë për bllokimin e çdo aplikacioni Kinez përfshirë edhe WeChat nga Tencent. /PCWorld Albanian

LEXO EDHE:  Si një gabim i Facebook rrëzoi aplikacionet rivale