Lajmet

Vështrim: EyeLeo

Publikuar , 30 Maj 2012
0
Vështrim: EyeLeo

Puna e gjatë përballë kompjuterit mund t’i lodhë sytë dhe t’i dëmtojë ato, si dhe të ndikojë negativisht në qëndrimin e trupit tuaj. EyeLeo është një program falas që mundon të ndihmojë duke shfaqur lajmërime për të ushtruar sytë, ose të ngritesh dhe të lëvizësh përreth ambientin ku qëndroni. 

EyeLeo përcakton 2 lloje pushimesh: të shkurtra dhe të gjata. Si parazgjedhje një pushim i shkurtër shfaqet çdo 10 minuta. “E shkurtër” do të thotë që tabela e shfaqur, lajmërimi në ekran, qëndron ndezur për 10 sekonda, dhe ju tregon një ushtrim të shpejt për sytë që ju duhet të bëni gjatë pushimit. Ushtrimet përfshijnë mbylljen e syve fortë, lëvizjen e tyre, shikimi nga një anë në anën tjetër dhe përqëndrimi në objekte të largëta. Këto janë lajmërime argëtuese por edhe shumë të dobishme. Lajmërimet janë një dritare e vogël, për pushmet e shkurtra, dhe qëndron aty për pak kohë, pra është shumë e lehtë ta injorosh kur jemi shumë të zënë me punë. 

Gjatë pushimeve të gjata lajmërimi i EyeLeo zë gjithë ekranin, pra është diçka që nuk mund ta injorosh. Për këtë arsye EyeLeo ka dhe mundësimi e aktivizimit të modulit strikt (strict mode). Në këtë modul ju kurrë nuk mund ta anashkaloni pushimin e gjatë. Ekrani e shfaqë lajmërimin dhe e vetmja gjë që mund të bëni është të ngriteni dhe të levizni përreth ambientit tuaj (ose qëndroni ulur dhe numëroni së prapthi minutat e mbetura). 

Por ky opsion në disa raste është shumë i padobishëm, në fillim duket ide e mirë pasi të ndihmon të pushosh, por kur jemi në raste pune intenzive ai të bllokon ekranin dhe nuk mund të bëni asgjë por thjeshtë të prisni.  

LEXO EDHE:  Ja përgjigja e Android ndaj AirDrop në iOS

EyeLeo është një kujtesë e vogël për çdo person, pasi ai të lajmëron: “Shiko, ti ke nevojë për një pushim, për të mirën tënde”, dhe që çdo përdorues i kompjuterit, i tepërt apo jo, duhet ta ketë këtë program, jo vetëm se është falas por dhe është shumë i dobishëm.  

Programi ofrohet falas nga Microsoft dhe mund ta shkarkoni nga ky link. (PCWorld Albanian)

Tags >

softuer
Lajmet e fundit>