Lajmet

WhatsApp Business për iOS i disponueshëm për përdoruesit në mbarë botën

PCWorld Albanian Nga: PCWorld Albanian
Publikuar , 04 Prill 2019
0
Ai nuk duhet të ngatërrohet kurrsesi me WhatsApp Business API, një shërbim me pagesë dizajnuar për kompanitë e mëdha. API lejon bizneset tu dërgojnë njoftime si bileta apo fatura konsumatorëve. WhatsApp Business për iOS i disponueshëm për përdoruesit në mbarë botën

WhatsApp Business, një version i aplikacionit të komunikimit me të cilin bizneset e vogla mund të lidhen me konsumatorët tashmë po ofrohet për përdoruesit e iOS në mbarë botën.

Aplikacioni është i disponueshëm në Android që prej një viti. Ndryshe nga WhatsApp standard, WhatsApp Business lejon pronarët e bizneseve të krijojnë një profil kompanie me detaje si adresa e-mail-i, adresë dyqani si dhe kanë akses në mjete për menaxhimin e përgjigjeve automatike.

Aplikacioni WhatsApp Business mund të lidhet edhe me ueb aplikacionin e WhatsApp.

Ai nuk duhet të ngatërrohet kurrsesi me WhatsApp Business API, një shërbim me pagesë dizajnuar për kompanitë e mëdha. API lejon bizneset tu dërgojnë njoftime si bileta apo fatura konsumatorëve.

Aktualisht është një prej mënyrave sesi WhatsApp monetizon vetveten në mënyrë direkte.

Aplikacionin WhatsApp Business aktualisht është i disponueshëm në Brazil, Gjermani, Indonezi, Indi, Meksikë, Britani dhe SHBA dhe në ditët në vijim do të jetë i disponueshëm për mbarë përdoruesit në çdo vend të botës. /PCWorld Albanian

LEXO EDHE:  Rriten shitjet e smartfonëve në Evropë, si krahasohen Samsung, Huawei, Apple dhe Xiaomi

Tags >

WhatsApp
Lajmet e fundit>