Lajmet

Windows Live Messenger ju detyron të bëni përditësimin

Publikuar , 17 Shtator 2009
0
Windows Live Messenger ju detyron të bëni përditësimin

Ekipi i Windows Live Messenger ka paralajmëruar një përditësim fazor në versionin e 14.0.8089.726, i cili iu qaset disa lëshimeve në Active Template Library (ATL) të Microsoft. Përditësimi gjithashtu arrin me arnime të paspecifikuara të kodit dhe me zgjerime të veçorive.

Përdoruesit e Windows Live Messenger 8.1, 8.5 dhe versioneve më të vjetra 14.0 do të pyeten dhe më vonë do të detyrohen që të instalojnë përditësimin.

“Kemi pasur disa komente mbi atë se çfarë ndodh nëse jeni duke punuar në një sistem operativ në të cilin nuk mund të instaloni versionin më të fundit të Messenger. Në këtë rast, juve nuk do t’iu kërkohet të bëni përditësimin dhe mund të vazhdoni të përdorni versionin që momentalisht posedoni” tha një anëtar i ekipit të Windows Live Messenger. “Për të qartësuar, nëse jeni duke punuar me Messenger 8.1, 8.5 ose 14.0 në sistemet operative si vijon: Windows XP 32bit, Windows Vista (32bit/64bit), Windows 7 (32bit/64bit) ose Windows Server 2008, ju do të pranoni paralajmërimin për përditësim.

Faza e parë kërkon që ka filluar në fund të muajit gusht dhe ka vazhduar deri në mes të këtij muaji ka pyetur klientët e Windows Live Messenger që përdorin versionet 8.1 ose 8.5 që të bëjnë përditësimin. Gjithashtu e njëjta gjë u është kërkuar edhe përdoruesve të versionit më të vjetër se 14.0.

Gjatë fazës së dytë, duke filluar prej mesit të këtij muaji, të gjithë konsumatorët që përdorin versionet 8.1 ose 8.5 do të detyrohen që të përditësojnë versionin e tyre të Windows Live Messenger. Në fund të tetorit, të gjithë konsumatorëve të versionit më të vjetër 14.0 do t’u kërkohet që të bëjnë kalimin në versionin e ri.

LEXO EDHE:  Apple rrezikon penalitete nga Samsung për shitjet e dobëta të iPhone

Natyrisht nëse nuk dëshironi të prisni për paralajmërim dhe thjeshtë dëshironi versionin më të fundit, klikoni tek Messenger.live.com.  Por nëse dëshironi të ruani versionin tuaj 8.1 apo 8.5 për fat të keq nuk mund të thoni JO.

Lajmet e fundit>