Biznes

Xiaomi përgatitet për prezantimin e makinës elektrike

Nga: PCWorld
Publikuar , 18 Korrik 2022
CEO i kompanisë Lei Jun pritet të zbulojë makinën në Gusht dizajni i së cilës është bërë nga HVST Automobile Design. Xiaomi përgatitet për prezantimin e makinës elektrike

Segmenti i makinave elektrike është padyshim një biznes joshës për prodhuesit e makinave. Shumica e tyre e kanë kuptuar se elektrifikimi është e ardhmja dhe kjo falë ngritjes së Tesla.

Prodhuesit tradicional të makinave parashikojnë vitin 2030 si momenti i adoptimit të gjerë të makinave elektrike dhe hibride.

Megjithatë është përfolur se disa kompani nga industria e teknologjisë kanë vendosur ti bashkohen këtij trendi. Apple është një prej tyre por 2022 mesa duket do të jetë viti i Xiaomi.

Makina e saj elektrike e shumë përfolur, Xiaomi Car mund të debutojë muajin e ardhshëm. Kompania ka premtuar të investojë 10 miliardë dollarë në 10 vitet e ardhshme në këtë drejtim.

CEO i kompanisë Lei Jun pritet të zbulojë makinën në Gusht dizajni i së cilës është bërë nga HVST Automobile Design.

Xiaomi konfirmoi për herë të parë hyrjen në industri në Mars të 2021. Në Shtator të 2021 regjistroi kompaninë Xiaomi Auto Co. Ltd.

Në Nëntor të 2021 nisi ndërtimin e zyrave qendrore të Xiaomi Auto dhe divizionit të kërkim zhvillimit në Yizhuang të Kinës. Fabrika do të punësojë 1 mijë persona dhe të prodhojë 300 mijë makina në vit.

Dy segmente makinash do të prodhohen, A+ dhe B. E para do të ketë nivel autonomie L2 me çmime nga 22-30 mijë dollarë.

E dyta do të ketë nivel autonomie L3 me çmime nga 29 deri në 44 mijë dollarë. /PCWorld Albanian

LEXO EDHE:  SHBA investon 50 miliardë dollarë për fuqizimin e industrisë së prodhimit të çipeve

Tags >

Xiaomi